Astrology

அஸ்வினி நட்சத்திரத்தில் பிறந்தவர்களின் வாழ்க்கை

Muruga — Fri, 19 Jan 2018 07:45:30 GMT

இருப்த்தேழு நட்சத்திரங்களின் வரிசையில் முதலிடத்தை பெறுவது அஸ்வினி நட்சத்திரமாகும். இதன் அதிபதி கேது பகவானாவார். இது ஒரு ஆண் நட்சத்திரமாக கருதப்படுகிறது. இவர் உடலில் தலை பாகத்தையும் மூளை யையும் ஆளுமை செய்கிறார். அஸ்வினி நட்சத்திரத்தில் பிறந்த வர்களுக்கு பெயர் வைக்க வேண்டிய முதலெழுத்துக்கள் கு,சே, சோ, ல ஆகியவை. தொடர் எழுத்துக்கள் செ சை முதலியவை ஆகும்.

குண அமைப்பு;
அஸ்வினி நட்சத்திரத்தின் அதிபதி ஞானகாரகன் கேது என்பதால் ஒருவரை பார்த்தவுடன் அவரை எடை போடும் ஆற்றல் இருக்கும். எடுக்கும் காரியங் களை விதி முறைக்குட்பட்டே செய்து முடிக்கும் மனசாட்சி உள்ளவர். சிறந்த சிந்தனையாளர் அதிகாரத்திற்கு பெயர் போன செவ்வாயின் ராசியான மேஷத்தில் இருப்பதால் தன்மானமும் சுய கௌரவமும் அதிகமிருக்கும். எதை யும் சுயமாக சிந்தித்தே செயல்படுத்துவார்கள். பிடிவாத குணமிருக்கும் அடுத்த வர் சொல்லுக்கு கட்டுபடாதவர்கள். துணிச்சலும் தன்னம்பிக்கையும் சொத்தாக கொண்டவர்கள். வம்பு சண்டைக்கு போகாதவர்கள் என்றாலும் வந்த சண்டை யை விட மாட்டார்கள். இவர்களிடம் வாதிட்டு வெற்றி பெறுவது என்பது அரிது. மேடை பேச்சுக்களில் பாராட்டுதலையும் கைதட்டுதல்களும் பெறாமல் இறங்க மாட்டார்கள்.

குடும்பம்;
கேதுவின் நட்சத்திரத்தில் பிறந்தவர்களை சுற்றி எப்பொழுதும் நண்பர்களின் கூட்டம் இருந்து கொண்டேயிருந்தாலும் நல்லவர்களாக தேர்ந்தெடுத்தே பழகுவார்கள். குடும்ப வாழ்வைப் பொறுத்த வரை காதலிக்கும் யோகம் இருந் தாலும் சுக்கிரன் பலமாக இருந்தால் மட்டுமே காதல் திருமணம் அமையும். இல்லையென்றால் பெற்றவர்கள் பார்த்து செய்யும் வாழ்க்கை துணையையே பெற முடியும் மனைவி பிள்ளைகளின் மீது அதிக அக்கறையும் பிரியமும் இருக்கும். அவர்களையும் தன்னை போலவே நீதி, நேர்மை தவறா மல் வளர்ப்பதில் கண்ணும் கருத்துமாக செயல்படுவார்கள்.

தொழில்
எந்த தொழில் செய்தாலும் அதிக நேர்மையும் கண்ணியமும் இருக் கும். இதனால் உடன் பணிபுரிபவர்களிடமும், மூத்த அதிகாரிகளிடமும் சில பிரச்சனைகளை சந்திக்க நேரிட்டாலும் திறமைக்கேற்ற உயர்வுகள் கிடைக்கப் பெற்று வெகு சீக்கிரத்தில் உயர் பதவிகளை அடைவார்கள் 24 வயதிலிருந்து 30 வயதுக்குள்ளேயே பூமி மனை வீடு வாகனம் யாவும் வாங்கும் யோகம் கிட்டும். பத்திர பதிவு, வானியல், வங்கி, மருத்துவம், ரசாயனம் மருந்து, மின்சாரம், ரியல் எஸ்டேட், கட்டடம் கட்டுதல் போன்ற துறைகளில் ஈடுபட கூடிய வாய்ப்பு கிட்டும் ஜோதிடம் விஞ்ஞானம் போன்றவற்றிலும் ஈடுபாடு ஏற்படும்.

நோய்கள்;
அஸ்வினி நட்சத்திரத்தில் பிறந்தவர்கள் பைல்ஸ், முதுகு தண்டு பிரச்சனை, கணுக்கால் வலி, ஒற்றை தலை வலி, மூளை காய்ச்சல் போன்றவற்றினால் பாதிக்கபடுவார்கள்.

திசை பலன்கள்;
அஸ்வினி நட்சத்திரத்தில் பிறந்தவர்களுக்கு கேது திசை முதல் திசையாக வரும். கேது திசை மொத்தம் 7 வருடங்கள் நடைபெறும் என்றாலும் பிறந்த நேரத்தை கணக்கிட்டு எத்தனை ஆண்டுகள் கேது திசை நடைபெறும் என்பதை அறியலாம். கேது திசை காலங்களில் உடல் ஆரோக்கியத்தில் அடிக்கடி பாதிப்புகள் உண்டாகும். கல்வியில் மந்த நிலையை கொடுக்கும். தாயின் உடல் நிலையும் பாதிப்படையும் சோம்பல் தனம், பிடிவாத குணம் இருக்கும்.

இரண்டாவது திசையாக சுக்கிர திசை வரும். சுக்கிர திசை மொத்தம் 20 வருடங்கள் நடைபெறும். சுக்கிரன் கேந்திர திரிகோணங்களில் அமைந்தோ, ஆட்சி உச்சம் பெற்று சுபர் பார்வையுடன் அமைந்தோ இருந்தால் இத்திசை காலங்கள் மேன்மையான நற்பலன்களையும், சுகவாழ்வு சொகுசு வாழ்வையும் பெற முடியும். வாழ்க்கை தரமும் உயர்வடையும்.

மூன்றாவது திசையாக சூரிய திசை வரும். பொதுவாகவே மூன்றாவது திசை முன்னேற்றத்தை சுமாராகத் தான் தரும் என்பதால் எதிலும் எதிர் நீச்சல் போட்டே முன்னேற வேண்டி வரும். தந்தையிடம் மன சஞ்சலங்களையும் பிரச்சனைகளையும் கொடுக்கும், உஷ்ண சம்பந்தபட்ட ஆரோக்கிய பாதிப்பும் ஏற்படும்.

சந்திர திசை நான்காவது திசையாக வரும் சந்திர திசை காலங்கள் 10 வருடங்களாகும். சந்திரன் கேதுவின் நட்சத்திரத்தில் அமைந்து திசை நடைபெறும் இக்காலங்களிலும் மனக்குழப்பங்கள், தாயிடம் கருத்து வேறுபாடு மனம் அலை பாய கூடிய சூழ்நிலைகள் உண்டாகும் என்றாலும் வாழ்வில் நல்ல பல முன்னேற்றத்தையும் செல்வ செழிப்பையும் கொடுக்கும்.
ஐந்தாவது திசையாக வரும் செவ்வாய் திசை மொத்தம் 7 வருடங்கள் நடைபெறும். அஸ்வினி நட்சத்திரத்தில் பிறந்தவர்களுக்கு ஐந்தாவது திசையாக வரும் செவ்வாய் திசை மாரக திசை என்பதால் உடல் நிலையில் சிறு சிறு பாதிப்புகள் உண்டாகும் என்றாலும் செவ்வாய் பலமாக அமைந்து சுபர் பார்வையுடனிருந்தால் பொருளாதார மேன்மையையும், பூமி மனை வாங்க கூடிய யோகத்தையும், சுகவாழ்வையும் உண்டாக்கும். ராகு திசை 6வது திசையாக வரும் மொத்தம் 18 வருடங்கள் நடைபெறும் ராகு திசையில் ராகு சுபர் வீட்டில் சுபர் பார்வையுடன் பலமாக அமைந்திருந்தால் வாழ்வில் பலவிதமான முன்னேற்றங்களையும், செல்வம் செல்வாக்கும் வசதி வாய்ப்புகளையும் பெற முடியும்.

மேற்கூறிய திசை காலங்களின் கிரகங்கள் பலமாக அமைந்திருந்தால் மட்டுமே நற்பலனை பெற முடியும். இல்லையெனில் வாழ் நாளில் நிறைய போராட்டங்களை சந்திக்க வேண்டியிருக்கும்.

அஸ்வினி நட்சத்திர காரர்களுக்கு எட்டி மரம் பரிகார விருட்சமாகும். இந்த மரத்தை வழிபாடு செய்வது நற்பலனை உண்டாக்கும். இந்த நட்சத்திரத்தை டிசம்பர் மாதத்தில் இரவு 10.00 மணிக்கு மேல் நடுவானத்தில் காண முடியும்.

செய்ய வேண்டிய நல்ல காரியங்கள்
அஸ்வினி நட்சத்திர நாளில் மனை முகூர்த்தம் செய்தல் புதிய ஆடை ஆபரணங்கள் வாங்குதல், சாஸ்திர பயிற்சி தொடங்குதல், விதை விதைத்தல், மரக்கன்றுகள் நடுதல், கடல் வழி பயணங்கள் மேற்க்கொள்ளுதல், தானியங்கள் வாங்குதல், பசு தொழுவம் அமைத்தல், திருமணம், பூ முடிப்பது,குழந்தைக்கு பெயர் வைப்பது, மொட்டையடித்து காது குத்துவது போன்றவற்றை செய்வது நல்லது.

வழி பாட்டு ஸ்தலங்கள்
ஸ்ரீரங்கம்
ரங்க நாதர் கோயிலில் குடி கொண்டுள்ள தன்வந்திரியை ஜன்ம நட்சத்திர நாளில் அர்ச்சனை, அபிஷேகம் செய்து வழிபடலாம். கொல்லி மலையில் உள்ள அறப்பளீஸ் வரரும். அஸ்வினி நட்சத்திர காரர்களின் பரிகார தெய்வமாக விளங்குகிறார். திருவாரூர் மாவட்டத்தில் உள்ள கூத்தனூரில் சரஸ்வதி கோயிலிலும் வழி பாடு செய்யலாம். சென்னை திருவற்றியூம் மற்றும் திருவிடை மருதூர் கோயில்களில் உள்ள அஸ்வினி நட்சத்திர லிங்கத்திற்கும் ஜன்ம நட்சத்திர நாளில் பரிகாரம் செய்யலாம்.
கூற வேண்டிய மந்திரம்;
சரஸ்வதி தேவியின் காயத்திரி மந்திரம்
ஓம் வாக் தேவியை ச வித்மஹே
விரிஞ்சி பந்யை ச தீமஹி
தன்னோ வாணீ ப்ரசோதயாத்!

அஸ்வினி நட்சத்திரத்திற்கு பொருத்தமில்லாத நட்சத்திரங்கள்
அஸ்வினி நட்சத்திரத்தில் பிறந்தவர்களுக்கு ஆயில்யம் மகம் கேட்டை மூலம் ரேவதி போன்ற நட்சத்திரங்கள் ரச்சு பொருத்தம் வராது என்பதால் இந்த நட்சத்திர காரர்களை திருமணம் செய்ய கூடாது.

பரணி நட்சத்திரத்தில் பிறந்தவர்களின் வாழ்க்கை ரகசியம்
இருபத்தேழு நட்சத்திரங்களில் இரண்டாவது இடத்தைப் பெறுவது பரணி நட்சத்திரமாகும். இதன் அதிபதி சுக்கிர பகவானாவார். இது ஒரு பெண் நட்சத்திரமாக கருதப்படுகிறது. இவர் உடலில் தலை, மூளை மற்றும் கண் பகுதிகளை ஆளுமை செய்கிறார். இந்த நட்சத்திரத்தில் பிறந்தவர்களுக்கு பெயர் வைக்க வேண்டிய முதலெழுத்துக்கள் லீ, லு, லே, லோ ஆகியவை. தொடர் எழுத்துக்கள் சொ, சௌ ஆகியவை.

குண அமைப்பு
பரணி நட்சத்திரத்தின் அதிபதி சுக்கிர பகவான் என்பதால் மற்றவர்களை கவரக் கூடிய உடலமைப்பும், பேச்சாற்றலும் இருக்கும். தனக்கென எதையும் வைத்துக் கொள்ளாமல் தான தர்மங்கள் செய்வது மிகவும் பிடித்தமான விஷயமாக இருக்கும். அழகாக உடை உடுத்துவது, அணிகலன்களை அணிந்து கொள்வது மற்றவர்களின் பார்வை எப்பொழுதும் தான் மீது படும்படி நடந்து கொள்வது போன்றவற்றில் இவர்களுக்கு விருப்பம் அதிகம். நடனம், பாட்டு, இசை இவற்றிலும் அதிக ஈடுபாடு இருக்கும். எதிலும் சிந்தித்து செயல் படும் ஆற்றல் கொண்டவர் என்பதால் ஆடுகிற மாட்டை ஆடியும், பாடுகிற மாட்டை பாடியும் கறக்க கூடிய இயல்பு கொண்டவர். பிறர் அதிக கோபத்துடன் பேசினால் அந்த இடத்தில் அடங்கு போனாலும் சமயம் வரும் போது சரியாக காலை வாரி விடுவீர்கள். சாதுவாக இருந்தாலும் சாமர்த்திய சாலியாகவும் இருப்பீர்கள். புத்தக புழுவாக இல்லாமல் சிந்தித்து செயல்படும் ஆற்றல் அதிகமுண்டு.

குடும்பம்;
பரணி நட்சத்திரத்தில் பிறந்தவர்கள் தரணியை ஆள்வார்கள் என்ற சொல்லிற் கேற்ப அரசனை போன்ற சுகமான வாழ்க்கை அமையும். காதல் என்ற வார்த்தை இவர்களுக்கு பிடித்தமான ஒன்று. யாரையாவது அல்லது எதையாவது எப்பொழுதும் காதலித்துக் கொண்டே தான் இருப்பார்கள். மனைவி பிள்ளைகளையும், தாய் தந்தையையும் கண்ணை இமை காப்பது போல காத்து கொண்டு இருப்பார்கள். அது போல உணவு விஷயத்திலும் எதையும் ரசித்து ருசித்து உண்பதுடன் சமைத்தவர்களை பாராட்டும் குணமும் உண்டு. இதனால் குடும்பத்தில் எப்பொழுதும் மகிழ்ச்சி குடி கொண்டு இருக்கும். சுக வாழ்வு, சொகுசு வாழ்விற்கும் பஞ்சம் இருக்காது.

தொழில்;
எந்த தொழில் உத்தியோகத்தில் இருந்தாலும் மற்றவர்கள். தங்களை பின்பற்றும் வகையில் வழி காட்டியாக இருப்பார்கள். பெரிய பெரிய பதவிகளை வகுக்க கூடிய ஆற்றல் பெற்றவராயினும் தனக்கு கீழ் உள்ளவர்களை அடிமை படுத்தாமல் தட்டிக் கொடுத்து வேலை வாங்கும் சாமர்த்தியம் கொண்டவர்கள். சலுகைகளையும் வாரி வழங்குவார்கள். எழுந்து நிற்க முடியாத அளவிற்கு மூழ்கி கொண்டிருக்கும் நிறுவனங்களை கூட தங்களின் சுய முயற்சியால் முன்னேற்றமடைய செய்ய கூடிய அளவிற்கு ஆற்றல் இருக்கும். வணிகவியல்,பல்,கண்,காது ஆகிய துறைகளிலும் வணிக மேலாண்மை, பைனான்ஸ் போன்ற துறைகளில் ஈடுபாடு இருக்கும். மனதில் எவ்வளவு பிரச்சனைகள் இருந்தாலும் வாழ்க்கை வாழ்வதற்கும் என்பதை புரிந்து கொண்டு, பணி என்று வந்து விட்டால் புதுத் தெம்புடன் செயல்படும் திறன் கொண்டவர்கள்.

நோய்கள்;
பரணி நட்சத்திரத்தில் பிறந்தவர்களுக்கு அதிக காம வேட்கை இருக்கும் என்பதால் பால் வினை நோய்கள் தாக்கும். மர்ம உறுப்புகளில் பிரச்சனை உண்டாகும். சர்க்கரை நோய், கிட்னி சம்மந்தப்பட்ட பிரச்சனைகள் உண்டாகி மருத்துவ செலவுகளை ஏற்படுத்தும்.

திசை பலன்கள்;
பரணி நட்சத்திரத்தில் பிறந்தவர்களுக்கு சுக்கிர திசை முதல் திசையாக வரும். பிறக்கும் போதே சுக்கிர திசை என்பதால் இளமை வாழ்வில் சுக வாழ்விற்கு பஞ்சம் இருக்காது என்றாலும் சுக்கிரன் பலம் பெற்று கேந்திர திரி கோணங்களில் அமைந்தோ, ஆட்சி உச்சம் பெற்று அமைந்தோ இருந்தால் மேலும் மேலும் பல நற்பலன்களை அடைய முடியும். கல்வியிலும் நல்ல முன்னேற்றத்தை உண்டாக்கும்.

இரண்டாவது திசையாக வரும் சூரிய திசை காலங்களில் சுமாரான நற்பலன்களையேப் பெற முடியும். எதிலும் எதிர் நீச்சல் போட்டே முன்னேறுவீர்கள். சந்திரன் திசை 3வது திசையாக வருவதால் இதிலும் சற்று மனக்குழப்பம், ஜல தொடர்புடைய பாதிப்புகள் கொடுக்கும். சற்று சிரமப்பட்டே முன்னேற வேண்டியிருக்கும். செவ்வாய் திசையில் பூமி மனை வாங்கும் யோகம் மனைவி வழியில் அனுகூலம் உண்டு. ராகு திசை 5வது திசையாக வரும் மொத்தம் 18 வருடங்கள் நடைபெறும் ராகு திசையில் ராகு சுபர் வீட்டில் சுபர் பார்வையுடன் பலமாக அமைந்திருந்தால் வாழ்வில் பலவிதமான முன்னேற்றங்களையும், சமுதாயத்தில் நல்ல உயர்வினையும் பெற முடியும். செல்வம் செல்வாக்கும் உயரும்.

ஆறாவது திசையாக வரும் குரு திசை மாரக திசையாகும். ஆனால் குரு திசை காலங்களே மேலும் முன்னேற்றத்தை அள்ளி தரும் என்பதில் எந்த சந்தேகமும் இல்லை. குரு பலம் பெற்று அமைந்து விட்டால் ஆன்மீக தெய்வீக காரியங்களில் ஈடுபாடு பல தெய்வ காரியங்களுக்காக செலவு செய்ய கூடிய அமைப்பு தான தர்மங்கள் செய்யும் அமைப்பு கொடுக்கும்.

மேற்கூறிய திசை காலங்களில் அதன் அதிபதி பலம் பெற்று கேந்திர திரி கோணங்களில் இருந்தால் மட்டுமே நற்பலனை பெற முடியும். அப்படி இல்லையெனில் சில பிரச்சனைகளை சந்திக்க நேரிடும்.

இந்த நட்சத்திரத்தை மார்கழி மாதம் இரவு 10.00 மணி சுமாருக்கு வானத்தின் உச்சியில் மூன்று நட்சத்திரங்களும் சேர்ந்து முக்கோண வடிவில் தோற்றமளிக்கும். பரணி நட்சத்திர காரர்களின் ஸ்தல விருச்சம் நெல்லி மரமாகும். நெல்லி மரத்தை வழிபாடு செய்வதால் நற்பலன்களை பெற முடியும்.

செய்ய வேண்டிய நற் காரியங்கள்
இசை, ஒவியம், நடனம், ஆகியவற்றை பயில தொடங்க, செங்கல் சூளைக்கு நெருப்பிட, நடன அரங்கேற்றம் செய்ய, தீர்த்த யாத்திரை செய்ய, மூலிகை செடிகளை பயிரிட மற்றும் ரோஜா உள்ளிட்ட முற்செடிகளை நட பரணி நட்சத்திரம் நல்லது.

வழிபாட்டு ஸ்தலங்கள்;
திருவாரூர்;
திருத்துறைப்பூண்டி பாதையில் கச்சனத்துக்கு கிழக்கே 14 கி.மீ தொலைவில் உள்ள திருநெல்லிக்கா என்ற ஸ்தலத்தில் உள்ள நெல்லி மரங்களை வழிபாடு செய்வது நல்லது. கும்ப கோணத்திலிருந்து சுமார் 8 .கி. மீ தொலைவில் உள்ள பழையாறை வடதளியில் உள்ள சோமநாதரையும், சோமகலாம்பிகையையும் வழிபாடு செய்யலாம்.

திரு ஆவினன் குடியில் உள்ள ஸ்தல மரமான நெல்லி மரத்தையும் வழிபடலாம்.

சென்னைக்கு அருகிலுள்ள திருப்போருரில் வீற்றிருக்கும் அருள்மிகு சுயம்பு, முருக பெருமானையும் வழிபடுவது நல்லது.

கூற வேண்டிய மந்திரம்
ஓம் கார்த்யாயின்யை ய வித்மஹே
சன்ய குமாரி தீமஹி
தள்நோ துர்கி பிரசோதயாத்

உங்கள் பிறந்த யோகமும் வணங்க வேண்டிய கிரகங்கள்

Muruga — Mon, 27 Feb 2017 08:29:15 GMT

உங்கள் யோகத்திற்கு உரிய கிரகத்தை தினசரி வணங்கி வந்தால்

விரைவில் உங்களுக்கு நல்ல யோகபலன் கிடைக்கும்

1.விஷ்வ கம்பம் யோகம் : சனி

2.பிரீதீய யோகம் : புதன்

3.ஆயுஷ்மான் யோகம் : கேது

4.சௌமாக்கியம் யோகம் : சுக்கிரன்

5.சோபனம் யோகம் : சூரியன்

6.ஆதிகண்டம் யோகம் : சந்திரன்

7.சுகர்மம் யோகம் : செவ்வாய்

8.திருதி யோகம் : ராகு

9.சூலம் யோகம் : குரு

10.கண்டம் யோகம் : சனி

11.விருத்தி யோகம் : புதன்

12.துருவம் யோகம் : கேது

13.வியாகாதம் யோகம் : சுக்கிரன்

14.ஹர்ஷனம் யோகம் : சூரியன்

15.வஜ்ஜிரம் யோகம் : சந்திரன்

16.சித்தி யோகம் : செவ்வாய்

17.வியதீ பாதம் யோகம் : ராகு

18.வாரியான் யோகம் : குரு

19.பரிகம் யோகம் : சனி

20.சிவம் யோகம் : புதன்

21.சித்தம் யோகம் : கேது

22.சாத்தியம் யோகம் : சுக்கிரன்

23.சுபம் யோகம் : சூரியன்

24.சுப்பிரம் யோகம் : சந்திரன்

25.பிராம்மம் யோகம் : செவ்வாய்

26.மஹேந்திரம் யோகம் : ராகு

27.வைத்திருதி யோகம் : குரு

அஸ்தங்கம் ஒரு ஜோதிட பார்வை.

Muruga — Mon, 27 Feb 2017 08:26:35 GMT

‍‍
எம் தாய் தந்தையின் பாதம் தொழுது, எல்லாம் வல்ல ஜ்யதுர்காவின் கருணையினாலே..
சூரியன் மற்ற கிரஹத்துடன் இணையும் போது ஏதேனும் ஒரு விளைவினை ஏற்படுத்தவே செய்கிறது.
‍‍
சூரியன், சந்திரன் இருவரும் ராகு அல்லது கேது, இவ்விருவரில் ஏதேனும ஒரு கிரஹத்துடன் இணையும் பொழுது கிரஹணம் ஏற்படுவது நாம் அறிந்ததே‌.
‍‍
மற்ற கிரஹங்களான செவ்வாய், புதன், குரு, சுக்கிரன், சனி கிரஹங்களை பொறுத்தவரை சூரியனுடைய அதிவெப்பத்தின் காரணமாக அஸ்தங்கதம் அடையும் என்பது ஜோதிஷத்தில்‌ ஹோரா நூல்களில் மட்டும் அல்ல சூரிய சிந்தாந்தம் போன்ற கணித நூல்களிலும் கூறப்பட்டுள்ளது.
‍‍
அஸ்தங்கம் என்பதனை மெளட்யம் எனவும், விகல எனவும் ஜோதிஷ நூல்களில் கூறப்பட்டுள்ளது. அஸ்தங்கத பாகையினை பொறுத்து தக்த, சர்வதா, தக, அஸ்த போன்ற பெயர்களாலும் அழைக்கப்படுகிறது.
‍‍
அஸ்தங்கத பாகை
‍
சூரியனிலிருந்து முன் பின் பாகைகளில்
‍‍
செவ்வாயானது 17 பாகையில் இருந்தாலும்,
‍‍
புதனானது 13 பாகையில் இருந்தாலும்,
‍‍
குருவானது 11 பாகையில் இருந்தாலும்,
‍‍
சுக்கிரனானது 9 பாகையில் இருந்தாலும்,
‍‍
சனியானது 15 பாகையில் இருந்தாலும்,
‍‍
கிரஹங்கள் ஆனது அஸ்தங்கம் அடையும்.சுக்கிரனும் புதனுமே அடிக்கடி அஸ்தங்கதம் அடையும் கிரஹங்களாகும்.
‍‍
‍‍
இந்த அஸ்தங்கத‌ பாகையினை எல்லாம் எவ்வாறு ஞாபகம் வைத்துக்கொள்வது?
‍‍
‍‍
இதற்கு அடியேன் ஒரு தீர்வு கொடுக்க இருக்கிறேன்.
இந்த 5 கிரஹங்களையும் அதனுடைய உட்ச வீட்டில் அமைக்கவும்.
‍‍
‍‍
இப்பொழுது சுக்கிரன் உட்ச வீடான மீனத்திலிருந்து வரிசையாக மற்ற கிரஹங்களின் ( குரு, புதன், சனி, செவ்வாய்) உட்ச வீட்டினை காணவேண்டும். 9 பாகையில் தொடங்கி வரிசையாக இரண்டு இரண்டாக கூட்ட வேண்டும். அவ்வளவே!!
‍‍
அதாவது மீனத்திற்கு அடுத்து கடகம் அடுத்தது கன்னி அடுத்ததாக துலாம் கடைசியாக மகரம் ஆகும்.
‍‍
இந்த ராசிகளில் உட்சம் அடையும் கிரஹத்தினை வரிசையாக கொண்டு 9 பாகையிலிருந்து இரண்டு இரண்டாக கூட்ட அஸ்தங்கத கிரஹமும், பாகையும் கிடைக்கும்.
‍‍
‍‍
மீனம் – சுக்கிரன் – 9 பாகை
‍‍
கடகம் – குரு– 11 பாகை
‍‍
கன்னி – புதன் – 13 பாகை
‍‍
துலாம் – சனி– 15 பாகை
‍‍
மகரம் – செவ்வாய் – 17 பாகை
‍‍‍‍
‍‍
அஸ்தங்கம் பற்றிய குறிப்புகள்.
‍‍
‍‍
1. மேலே கூறப்பட்ட பாகைகளில் சூரியனுக்கு முன்னும் பின்னும் கிரஹங்கள் சஞ்சரிக்கும் போது அஸ்தங்கதம் அடைகிறது. எனினும் இப்பாகைகளில் பாதி பாகையே அதிக பாதிப்பினை தருகிறது.
‍‍
‍‍
‍‍
2. சூரியன் 8, 12 ம் பாவத்தில் அமர்ந்து அஸ்தங்கம் தந்தால் அதிக பாதிப்பு உண்டாகிறது.
‍‍
‍‍
‍‍
3. ரிஷப, மிதுனம், கன்னி, துலாம், மகரம், கும்பம் லக்கினங்களுக்கு எந்த கிரஹம் அஸ்தங்கம் அடைந்தாலும் பாதிப்பு உண்டாகிறது.
‍‍
‍‍
4. மேஷம், கடகம், சிம்மம், விருச்சிகம், தனுசு, மீனம் லக்கினங்களுக்கு செவ்வாய், குரு அஸ்தங்கத்தினால் அதிகம் பாதிப்பு தருவதில்லை.
‍‍
‍‍
‍‍

5. சூரியனை விட அஸ்தங்கதம் அடைந்த கிரஹம் அதிக பாகையில் இருந்தால் பாதிப்பு அதிகம் தருவதில்லை.
‍‍
‍‍
‍‍
6. அஸ்தங்கதம் அடைந்த கிரஹம் ஆட்சி, உட்சம் பெற்றாலும், திக்பலத்தில் இருந்தாலும், சுபர் பார்த்தாலும், நவாம்சத்தில் பலமாக இருந்தாலும் பாதிப்பு அதிகம் தருவதில்லை.
‍‍
‍‍
‍‍
7. அஸ்தங்கதம் அடைந்த கிரஹம் வக்கிரம் பெற்றாலும் பாதிப்பு தருவதில்லை. இது மிகவும் அரிதாகும்.
‍‍
‍‍
‍‍
8. சூரியன் வலிமை இழந்து அஸ்தங்கம் தந்தாலும் பாதிப்பு இல்லை.
‍‍
‍‍
9. அஸ்தங்கம் அடைந்த கிரஹத்தின் ஆதிபத்திய பாவ பலனை தன் தசா புத்தியில் கொடுப்பதில்லை. மாறாக சூரிய தசா, புத்திகளிலே அப்பலன் நடைபெறுகிறது.
‍‍
‍‍
10. சூரியன் இருந்த வீட்டின் அதிபதி அல்லது நக்‌ஷத்திர அதிபதி அஸ்தங்கம் அடைந்தால் அதிக பாதிப்பினை தருகிறது.
‍‍
‍‍
11. சூரியனும் அஸ்தங்கம் அடைந்த கிரஹமும் வேறு வேறு ராசிகளில் இருந்து அஸ்தங்கம் அடைந்தாலும் அதில பாதிப்பு தருவதில்லை.
‍‍
‍‍
12. சந்திரன் 12 பாகைக்குள் ( ஒரு திதி அளவு) இருந்தாலும் அஸ்தங்கம் அடைந்ததாக சில நூல்கள் குறிப்பிடுகின்றன.
‍‍
‍‍
13. சனி அஸ்தங்கம் அடைந்தாலும் ஜாதகருக்கு ஆயுளை நிர்ணயிப்பதில் அஸ்தங்கத்தினை எடுத்துக்கொள்ளகூடாது.
‍‍
‍‍

14. அஸ்தங்கதம் அடைந்த கிரஹம் ஏதேனும் ஒரு வழியில் பலம் பெற்றால் அதிக பாதிப்பினை தருவதில்லை.
‍‍
‍‍
‌
அஸ்தங்கம் அடைவதினால் கிரஹங்கள் தன் இயல்பு நிலையிலிருந்து மாறி சில மாற்றங்களை உண்டாக்கிறது. அவற்றின் பலன் ஆனது.
‍‍
‍‍
‍‍
சூரியனுடன் செவ்வாய் சேர்ந்து அஸ்தங்கம் அடையும் போது
‍‍
எதற்கும் போட்டி போடுதல்
‍‍‍‍
பிறரின் மீது அதிக ஆதிக்கம் செலுத்துதல் மற்றும் உதாசீனப்படுத்துதல்.
‍‍‍‍
பிடிவாதமாக இருத்தல்
‍‍‍‍
அவ்வளவு சீக்கிரம் சமரசம் ஆகாதிருத்தல்
‍‍
தானே பெரியவன் என்ற எண்ணத்துடன் இருத்தல்
‍‍

வலுவான மன உறுதி கொண்டிருத்தல்
‍‍
ஆணாதிக்கமும், முரட்டு தைரியமும் கொண்டிருத்தல்
‍‍
தேவையற்ற ஆர்வமும், ஆற்றலும் கொண்டிருத்தல்
‍‍‍‍
அதீத பித்த தேகத்துடன் இருத்தல்
வழுக்கை விழுதல்
‍‍‍‍
கண் நோய் பாதிப்பு உண்டாகுதல்
‍‍
மற்றும் பல.,
‍‍

சூரியனுடன் புதன் சேர்ந்து அஸ்தங்கம் அடையும் போது
‍‍‍‍
படபடப்புடன் இருத்தல்
‍‍
எவ்வளவு மன அழுத்ததினையும் தாங்குதல்
‍‍
தான் நினைப்பதனை வெளியில் கூறாதிருத்தல்
‍‍
தன்னைப்பற்றியே அதிகம் யோசித்தல், பேசுதல்.
‍‍
நரம்பு பலவீனமாக இருத்தல்
‍‍
பித்தப்பையினால் வயிற்றில் நோய் உண்டாதல்
‍‍
மற்றும் பல.,
‍‍
‍‍
சூரியனுடன் குரு சேர்ந்து அஸ்தங்கம் அடையும் போது
‍‍
பழமையில் நம்பிக்கையாக இருத்தல்
‍‍
எதனையும் செய்ய முடியும் என அதீத கர்வத்துடன் இருத்தல்
‍‍
அளவுக்கு மீறிய வாக்குறுதிகளை கொடுத்தல்
‍‍
தடங்கலில் தடுமாறி மீளாமல் இருத்தல்
‍‍
தம்மால் மட்டுமே நீதியினை நிலைநாட்டமுடியும் என்று இருத்தல்
‍‍
ஒழுக்கமானவராக தன்னை காட்டிக்கொள்ளுதல்
‍‍
நியாபகமறதி அதிகம் இருத்தல்
‍‍
உடல் வலி, வாயு தொல்லைகளினால் அவதிப்படுதல்
மற்றும் பல.,
‍‍‍‍
‍‍
சூரியனுடன் சுக்கிரன் சேர்ந்து அஸ்தங்கம் அடையும் போது
‍‍
மனநிறைவையே பிராதனமாக கொண்டிருத்தல்
‍‍
வேடிக்கை விளையாட்டில்‌ ஆர்வத்துடன் இருத்தல்
‍‍
உறவுகளிடமே தன்முனைப்பாக இருத்தல்
‍‍
புகழுடனே இருக்கவேண்டும் என விரும்புதல்
‍‍
பிறரின் வாழ்க்கை ரகசியங்களை அறிய ஆர்வமாக இருத்தல்
‍‍
அளவிற்கு அதிகமாக பிறருடன் ஒத்துப்போகுதல்
‍‍
சிறுநீர் பிரச்சினைகளை சந்தித்தல்
‍‍

தொற்றுநோயினால் அவதிப்படுதல்
‍‍
மற்றும் பல,
‍‍
‍‍

சூரியனுடன் சனி சேர்ந்து அஸ்தங்கம் அடையும் போது
‍‍
அதீத சுயகட்டுப்பாடுடன் இருத்தல்
‍‍
எவருடனும் அவ்வளவு சீக்கிரமாக நெருங்கி பழகாமல், எச்சரிக்கையுடன் இருத்தல்
‍‍
கடின உழைப்பில் நம்பிக்கையாய் இருத்தல்
‍‍
பிறருடைய உணர்விற்கு தன்னை ஆட்படுத்தி கொள்ளாதிருத்தல்
‍‍
இளமையிலேயே முதிர்ந்த பக்குவம் அடைதல்
‍‍
வயதிற்கு மீறிய அனுபவத்துடன் இருத்தல்
‍‍
எந்த வேலையையும் தாமதமாகவே செய்தாலும் சரியாகவே செய்கிறோம் என நம்புதல்
‍‍
உடல் வலியினால் அவதிப்படுதல்
‍‍
தொடைக்கு கீழே உள்ள உடல் உறுப்பில் பலம் குன்றி இருத்தல்
‍‍
மற்றும் பல.,
‍‍

பொதுவாக அஸ்தங்கம் அடையும் கிரஹம் தன்னுடைய பாவ பலனை சூரியனிடம் இழந்து விடும். சூரியன் என்பது ஆத்மாவாக கூறப்பட்டுள்ளதால் ஆத்மாவிற்கு அப்பாவ பலனை அடைய பாக்கியம் இல்லை எனவும் தீர்மானிக்கலாம்‌. எனினும் தெய்வ பக்தி, சூரிய நமஸ்காரம், சிவ வழிபாடு போன்றவற்றின் மூலமும் நாம் அஸ்தங்கதம் அடைந்த கிரஹத்தின் பலனை சூரிய தசா புத்திகளில் அடையமுடியும்.
‍‍‍‍
எனவே ஜாதகப்பலனை தீர்மாணிக்கவும், தசாபுத்தி பலனை நிர்ணயிப்பதிலும் அஸ்தங்கம் முக்கியமாக இருக்கிறது.
‍‍‍‍

நட்சத்திரக்காரர்கள் வழிபட வேண்டிய சிவரூபங்கள்

Muruga — Mon, 27 Feb 2017 07:46:29 GMT

01 - அசுவனி (கேது) - கோமாதாவுடன் கூடிய சிவன்

02 - பரணி (சுக்கிரன்) - சக்தியுடன் கூடிய சிவன்

03 - கார்த்திகை.(சூரியன்) - சிவன் தனியாக

04 - ரோகிணி (சந்திரன்) - பிறை சூடியப் பெருமான்

05 - மிருகசீரிஷம். (செவ்வாய்) - முருகனுடைய சிவன்

06 - திருவாதிரை. (ராகு) - நாகம் அபிஷேகம் செய்யும் சிவன்

07 - புனர்பூசம் (குரு) - விநாயகர், முருகனுடன் உள்ள சிவன்

08 - பூசம். (சனி) - நஞ்சுண்டும் சிவன்

09 - ஆயில்யம் (புதன்) - விஷ்னுவுடன் உள்ள சிவன்

10 - மகம் (கேது) - விநாயகரை மடியில் வைத்த சிவன்

11 - பூரம் (சுக்கிரன்) - அர்த்தநாரீஸ்வரர்

12 - உத்ரம் (சூரியன்) - நடராஜ பெருமான்-தில்லையம்பதி

13 - ஹஸ்தம் (சந்திரன்) - தியாண கோல சிவன்

14 - சித்திரை (செவ்வாய்) - .பார்வதி தேவியுடன் நந்தி .......அபிஷேகத்தை தரிசிக்கும் சிவன்

15 - சுவாதி (ராகு) - சகஸ்ரலிங்கம்

16 - விசாகம் (குரு) - காமதேனு மற்று,ம் பார்வதியுடன் சிவன்

17 - அனுஷம்.(சனி) - ராமர் வழிபட்ட சிவன்

18 - கேட்டை (புதன்) - நந்தியுடன் உள்ள சிவன்

19 - மூலம் (கேது) - சர்ப்ப விநாயகருடன் உள்ள சிவன்

20 - பூராடம் (சுக்கிரன்) - சிவ சக்தி கணபதி

21 - உத்திராடம். (சூரியன்) - ரிஷபத்தின் மேலமர்ந்து .......பார்வதியின் அபிஷேகத்தை கானும் சிவன்

22 - திருவோணம். (சந்திரன்) - சந்திரனில் அமர்ந்து .......விநாயகரை ஆசிர்வதிக்கும் சிவன்

23 - அவிட்டம் (செவ்வாய்) - மணக்கோலத்துடன் உள்ள சிவன்

24 - சதயம் (ராகு) - ரிஷபம் மீது சத்தியுடன் உள்ள சிவன்

25 - பூராட்டாதி (குரு) - விநாயகர் மடியின் முன்புறமும் .......சத்தியை பின்புறமும் இணத்து காட்சி தரும் சிவன்

26 - உத்திராட்டாதி (சனி) - கயிலாயத்தில் காட்சி தரும் சிவன்

27 - ரேவதி (புதன்) - குடும்பத்துடன் உள்ள சிவன்

மலர் ஆருடம் பார்க்கும் முறை

Muruga — Mon, 27 Feb 2017 07:43:08 GMT

ஆரூடம் கேட்பவரை ஏதாவது இரு மலர்களின் பெயர்களைக் கூறுமாறு கேட்டு அவற்றை குறித்துக் கொள்ள வேண்டும். அவ்வாறு குறித்துக் கொண்ட மலர்களுக்குரிய கிரகங்களை குறித்துக் கொள்ள வேண்டும். முதலாவதாக கூறப்படும் மலருக்குரிய கிரகம் சிந்தனையில் உள்ள கேள்விக்குரிய விசயத்தையும், இரண்டாவதாக கூறப்படும் மலருக்குரிய கிரகம் கேள்விக்குரிய விசயத்தின் சாதக பாதக நிலைகளையும் சுட்டிக் காட்டும். கிரகங்களும் அவற்றிற்குரிய மலர்களும் கீழே தரப்பட்டுள்ளன.

சூரியன் : செந்தாமரை, சூரியகாந்தி, வெள்ளெருக்கு
சந்திரன் : வெள்ளைஅல்லி, தும்பைப்பூ, சந்திரகாந்தி
செவ்வாய் : செவ்வரளி, சிவப்பு ரோஜா, பவளமல்லி
புதன் : மரிக்கொழுந்து, வெண்காந்தன், வெண்சங்கு
குரு : செண்பக மலர், முல்லை, மஞ்சள் சாமந்தி, சந்தன மல்லிகை, மஞ்சள் அரளி, பாதிரிமலர், மகிழ மலர், பூசணிப்பூ, இருவாட்சி, சம்பங்கி.
சுக்கிரன் : வெண்தாமரை, வெள்ளை ரோஜா, மல்லிகை, மனோரஞ்சிதம், நந்தியாவட்டை, புண்ணை மலர், வெள்ளை சாமந்தி.
சனி : கருங்குவளை (நீலத்தாமரை), கத்தரிப்பூ, சங்குப்பூ, வாடாமல்லி, கருச்செம்பை.
ராகு : மந்தாரை, சாரக்கொன்றை, துலுக்கா; சாமந்தி.
கேது செவ்வந்தி, தாழம்பூ, கனகாம்பரம், கொன்றை பூ, செம்பருத்தி

உதாரணமாக ஒருவர் முதலில் வெண் தாமரை மலரயும், இரண்டாவதாக செவ்வல்லி மலரயும் கூறுகிறார் என வைத்துக் கொள்வோம். இதற்கான பலா பலன்களைப் பார்ப்போம்.

மலர் கிரஹம்
வெண்தாமரை சுக்கிரன்
செவ்வல்லி கேது

சுக்கிரன் மனைவியைக் குறிக்கும் கிரகம். கேது பிரிவினையைக் குறிக்கம். எனவே அவருடைய மனைவியுடன் அவருக்கு பிரிவினை ஏற்படலாம். இது ஒரு வகையான பலன்.

சுக்கிரன் பணம், வீடு, வாகனம் இவைகளைக் குறிக்கும் கிரகம், கேது தகராரைக் குறிக்கும். எனவே கேள்வி கேட்பவருக்கு பணம், வீடு, வாகனம் சம்பந்தமாக வழக்கு இருக்கலாம். இது மற்றொரு பலன். மொத்தத்தில் சுக்கிரன், கேது சேர்க்கைக்குரிய பலாபலன்களை கூறவேண்டும்.

மேற்கண்டவாறு ஆரூடம் கேட்பவரை இரண்டு பூக்களின் பெயர்களைக் கூறுமாறு கேட்டு, அப்பூக்களைக் குறிக்கும் கிரகங்களைக் கண்டறிந்து, அவ்விரண்டு கிரகங்களையும் கிரக சேர்க்கையாக எடுத்துக் கொண்டு, அக்கிரக சேர்க்கைக்குரிய பலாபலன்களை நாடி ஜோதிட முறையில் கூறினால் பலன்கள் சரியாக இருக்கும்.

தேங்காய் பிரஸ்னம்/ உடையும் பலன்

Muruga — Mon, 27 Feb 2017 07:38:46 GMT

ஒரு செயலைத் தொடங்கும்போது, அந்த செயல் வெற்றிகரமாக முடியுமா? அல்லது அந்த செயலில் தடைகள் ஏதாவது ஏற்படுமா? என்பதை தெரிந்து கொள்ள தேங்காய் சகுனம் பார்க்கும் வழக்கம் நடைமுறையில் உள்ளது. தேங்காய் சகுனம் பார்க்க விரும்புவோர் நன்கு முற்றிய தேங்காயை எடுத்துக் கொண்டு, விநாயகப் பெருமானை வணங்கி, வழிபட்டு, தேங்காயை உடைக்க வேண்டும். அவ்வாறு உடைக்கும்போது, தேங்காய் எப்படி உடைகிறது என்பதைக் கவனித்து பலாபலன்களை அறியலாம்.

1. தேங்காய் உடைபட்டு, அதன் குடுமிபாகம் சிறுத்து, வட்டமாய் உடைந்திருந்தால், சகுனம் பார்ப்பவருக்கு செல்வச் சேர்க்கை உண்டாகும்.
2. தேங்காய் ஐந்தில் ஒரு பங்காக உடைந்தால் அழியாத செல்வம் உண்டாகும்.
3. தேங்காய் சரிசமமாக உடைந்தால் செல்வம் பெருகும். துன்பம் தீரும்.
4. மூன்றில் ஒரு பங்காக உடைந்தால் மனதில் மகிழ்ச்சி உண்டாகும்.
5. தேங்காய் பொடிப்பொடியாக உடைந்தால் லாபம் கிடைக்கும்.
6. தேங்காய் உடைக்கும்போது ஓடு தனியாக கழன்றால் துன்பங்கள் வரும்.
7. தேங்காய் உடைக்கும்போது குடுமிபாகம் இரு கூறானால் தீயினால் பொருள் சேதம் உண்டாகும்.
8. தேங்காய் உடைக்கும்போது ஓட்டின் கண்ணீல் தேங்காய் தெரிந்தால் மரணம் உண்டாகும்.
9. தேங்காய் உடைக்கும்போது கைப்பிடியில் இருந்து தவறி கீழே விழுந்தால் குடும்பத்தில் துன்பம், பொருள் இழப்பு ஏற்படும்.
10. தேங்காய் நீளவாக்கில் உடைந்தால் செல்வம் நீங்கி துன்பம் உண்டாகும்.
11. தேங்காய் உடைக்கும்போது, அழுகிக் காணப்பட்டால் கார்ய தோல்வி 12. தேங்காய் உடைக்கும்போது, முடிப்பாகம் இரு கூறாக உடைந்து அந்த இரு கூறுகளோடு, அவற்றின் ஓடு உடனே தெறித்து வீழ்ந்தால், நோய்களினால் துன்பம் உண்டாகும்.
13. தேங்காய் உடைக்கும்போது தேங்காயின் சிறு சிதறல் தெறித்து விழுந்தால் செல்வமும், செல்வாக்கும் உண்டாகும். ஆபரண லாபம் உண்டாகும்.
14. ஆலயத்தில் வேண்டுதல் செய்து கொண்டிருக்கும் போது தேங்காய் உடைக்கும் ஒலி கேட்டால் காரியம் வெற்றி பெறும்.

கிரக கோளாறுகளை நீக்க எளிய குளியல் பரிகாரங்கள்

Muruga — Mon, 27 Feb 2017 07:34:51 GMT

நடக்கும் திசை அறிந்து அதற்கேற்ப அந்த கிரகங்களுக்குரிய பொருட்களால் குளித்து வர, அந்த கிரகங்களால் உண்டாகும் கெடு பலன்களை குறைத்தும், நற் பலன்கள் பெற்றும் வாழலாம். மேலும், ஜாதகத்தில் தற்சமயம் நமக்கு பாதகம் செய்யும் கிரகங்கள் எது என அறிந்து அதற்கேற்பவும் தினசரி குளியல் முறை செய்து வர நிச்சயம் நற் பலன்கள் பெற்று வாழலாம்.

சூரியன் :

கசகசாவை பொடி செய்து நீரில் கலந்தும் அல்லது, குங்குமப்பூ அல்லது ஏதேனும் சிகப்பு மலர்கள் நீரில் போட்டு குளித்து வரலாம். சிறிதளவு போதும். இவற்றை போட்டு நான்கைந்து குவளைகள் நீரில் குளித்து விட்டு, பின்பு வழக்கம் போல் குளித்து வரலாம்.

சந்திரன் :

தயிரை முதலில் உடல் முழுதும் தேய்து விட்டு சிறிது ஊறி பின்பு குளிக்கவும்.

செவ்வாய் : வில்வ கொட்டை பொடியை சிறிதளவு நீரில் சேர்த்து குளித்து வரலாம். செவ்வாய் தோஷத்தால் திருமண வாழ்வில் பிரச்சனைகளை சந்திப்பவர்கள், மற்றும் திருமண தடை போன்றவற்றிற்கு இது சிறந்த பரிகாரம்.

புதன் :

மஞ்சள்கடுகுடன் சிறிது தேன் கலந்து, கங்கை நீர் அல்லது கடல் நீர் சிறிது சேர்க்கப்பட்ட நீரில் குளித்து வரலாம்.

வியாழன் :

கருப்பு ஏலக்காய் போட்டு கொதிக்க வைத்த நீரை சிறிதளவு குளிக்கும் நீரில் ஊற்றி குளித்து வரவும்.

சுக்கிரன் :

பச்சை ஏலக்காய் போட்டு கொதிக்க வைத்த நீரை சிறிதளவு குளிக்கும் நீரில் ஊற்றி குளித்து வரவும்.

சனி :

கருப்பு எள் சிறிதளவு போட்டு கொதிக்க வைத்த நீரை சிறிதளவு குளிக்கும் நீரில் ஊற்றி குளித்து வரவும்.

ராகு :

மகிஷாக்ஷி (நாட்டு மருந்து கடைகளில் கிடைக்கும்) சிறிதளவு போட்டு கொதிக்க வைத்த நீரை சிறிதளவு குளிக்கும் நீரில் ஊற்றி குளித்து வரவும்.

கேது :

அருகம்புல் சிறிதளவு போட்டு கொதிக்க வைத்த நீரை சிறிதளவு குளிக்கும் நீரில் ஊற்றி குளித்து வரவும்.

வெற்றிலை பரிகாரங்கள்

Muruga — Mon, 27 Feb 2017 07:31:15 GMT

மேஷ ராசிக்கு :

வெற்றிலையில் மாம்பழம் வைத்து செவ்வாய் கிழமை முருகனை வழிபட்டு சாப்பிட துன்பங்கள் அகலும்.

ரிஷப ராசிக்கு :

வெற்றிலையில் மிளகு வைத்து செவ்வாய் கிழமை ராகுவை வழிப்பட்டு சாப்பிட்டால் துன்பம் விலகும்.

மிதுன ராசிக்கு :

வெற்றிலையில் வாழைப்பழம் வைத்து புதன்கிழமை இஷ்ட தெய்வத்தை வழிபட்டு சாப்பிட்டால் துன்பம் விலகும்.

கடக ராசிக்கு :

வெற்றிலையில் மாதுளம்பழம் வைத்து வெள்ளிக்கிழமை காளி தெய்வத்தை வழிபட்டு சாப்பிட்டால் கஷ்டம் விலகும்.

சிம்ம ராசிக்கு : வெற்றிலையில் வாழைப்பழம் வைத்து வியாழக்கிழமை இஷ்ட தெய்வத்தை வழிபட்டு சாப்பிட்டால் கஷ்டம் விலகும்.

கன்னி ராசிக்கு :

வெற்றிலையில் மிளகு வைத்து வியாழக்கிழமை இஷ்ட தெய்வத்தை வழிபட்டு சாப்பிட்டால் துன்பம் தீரும்.

துலாம் ராசிக்கு: வெற்றிலையில் கிராம்பு வைத்து வெள்ளிக்கிழமை இஷ்ட தெய்வத்தை வழிபட்டு சாப்பிட்டால் துன்பம் தீரும்.

விருச்சிக ராசிக்கு :

வெற்றிலையில் பேரிச்சம்பழம் வைத்து செவ்வாய் கிழமை இஷ்ட தெய்வத்தை வழிபட்டு சாப்பிட்டால் துயரம் தீரும்.

தனுசு ராசிக்கு :

வெற்றிலையில் கற்கண்டு வைத்து வியாழன்கிழமை இஷ்ட தெய்வத்தை வழிபட்டு சாப்பிட்டால் கவலை தீரும்.

மகர ராசிக்கு : வெற்றிலையில் அச்சு வெல்லம் வைத்து சனிக்கிழமை காளி தெய்வத்தை வழிபட்டு சாப்பிட்டால் கவலை தீரும்.

கும்ப ராசிக்கு : வெற்றிலையில் நெய் வைத்து சனிகிழமை காளி தெய்வத்தை வழிபட்டு சாப்பிட்டால் கவலை தீரும்.

மீன ராசிக்கு :

வெற்றிலையில் சர்க்கரை வைத்து ஞாயிற்றுக்கிழமை இஷ்ட தெய்வத்தை வழிபட்டு சாப்பிட்டால் நோய் தீரும்.